《特警新人类》四子重现金像舞台 网民集气:拍第3集喇!

  • 作者:
  • 时间:2020-05-28
即使金像奖大会今年係搵咗32位电影新人做大会主持,但颁奖嘉宾就绝对係「大卡土」,有来自日本电影《尸杀片场》嘅滨津隆之、秋山柚稀,仲有刘德华孖住韩星宋慧乔,但相信以下呢一幕係最勾起一众电影粉丝嘅回忆呢!电影《特警新人类》嘅吴彦祖、谢霆锋、冯德伦、李灿琛相隔20年后「重组」! 广告 事后李璨琛、冯德伦都急不及待喺社交平台上分享四子「chok到世界尽头」嘅合照。见到满载住热血、青春回忆嘅演员聚首,引来唔少留言指希望投资者可以开拍《特警新人类 3》! 广告 如果话《特警新人类》经典重现够惊喜的话,令到成件事更加锦上添花嘅就係佢地几位嘅「特别」出场方式。起初只有冯德伦、李璨琛出现颁发「最佳视觉效果」、「最佳音响效果」,然后就指吴彦祖、谢霆锋「有事」未能现身,接着就播出直播片段,霆锋喺外地滑雪,而吴彦祖就指自己要陪囡囡出席幼稚园毕业礼,但其后镜头一转,二人就喺绿幕布景下行出来,印证所有都係视觉效果后製嘅功力啊!四位仲保持到咁fit,而且今次难得重组,看来开拍《特警新人类3》成数都几高!(但差第2辑都有出现嘅陈冠希啊~~)